A creación de contido de calidade pode marcar a diferenza entre ser visto e ser recordado. Desde Actual axudámosche a construír unha ponte sólido entre os teus clientes e a túa marca a través de tres piares fundamentais de contido: deseño gráfico, fotografía e vídeo.

Unha boa fotografía é moito máis ca unha simple imaxe. É unha forma de capturar emocións, sensacións e incluso historias. E cando se trata da túa marca, queremos que cada elemento transmita o que realmente representa, que transmita a súa esencia.

Xa sxea mostrar produtos, retratar a experiencia dun servizo ou amosar a parte máis humana  a través do teu equipo, as sesións fotográficas de Actual pretenden abrir unha xanela ao teu negocio e crear un escaparate virtual de todo o que es e ofreces.

Din que unha imaxe vale máis ca mil palabras pero un vídeo é como un libro enteiro. O vídeo é a ferramenta máis poderosa para conectar de maneira emocional coa audiencia. É onde unha historia cobra vida e se move, onde podes mostrar o como e o porqué detrás de cada detalle.

Desde formatos convencionais ata vídeos verticais breves, levaremos a túa mensaxe a outro nivel. Nun medio no que todo avanza tan rápido, as túas ideas poderán moverse coa mesma enerxía, captando a atención do teu público.

Se o teu negocio fose unha persoa, o deseño gráfico sería a súa forma de vestir. É a primeira impresión, a carta de presentación. Cada cor, cada liña e cada tipografía conta unha parte da historia que queres transmitir.

A través dunha proposta gráfica para redes sociais, mantendo a estética da túa marca, o noso equipo vestirá a túa firma cun estilo único, que non só reflectirá a súa identidade, senón que tamén atraerá a atención do teu público obxectivo.